Grupi parlamentar i PDK-së mbajti takim gjatë ditës në përpjekje për t’i bindur një pjesë të deputetëve që të ndryshojnë qëndrimin për themelimin e Gjykatës Speciale.
Por deputeti Nait Hasani, thotë se Gjykata Speciale është e keqja më e madhe që po i ndodh Kosovës.
“Mua nuk ka presion që më detyron ta votoj një vendim, kur e di që është i padrejtë. Ne kemi 20 mijë femra të dhunuara, asnjë veprim as gjykim nuk e kemi. Ne kemi veç në burgun e Dubravës, në masakër që kanë marrë pjesë Serbia si shtet i organizuar, 130 të vrarë dhe të plagosur dhe kemi njerëz që kanë bërë vetëvarje për shkak që kanë pasur frikën që ta mos e përjetojnë masakrën, tmerrin, gjenocidin e tash ne të përballemi me këto është për mua e papranueshme”, ka thënë Hasani. /RTV21/