Kryetari i Prizrenit, Mytaher Haskuka është shprehur i kënaqur me punën e drejtorëve të Ekzekutivit.
“Jam i kënaqur me punën e drejtorëve”, tha Haskuka për TV Besa.
Haskuka, është i detyruar që të bëjë ndryshimin e parë në ekzekutivin e tij.
Kjo ngase drejtoresha e Shëndetësisë, Flaka Siqeca, do ta lirojë këtë post, për shkak të specializimit jashtë Kosovës.
Ky zhvillim ka bërë që dega e LDK-së, partneri në qeverisje i LVV-së, të ngjallë edhe njëherë interesimin për udhëheqjen e kësaj drejtorie.
Madje LDK-ja ka propozuar që LVV-së t’ia jap drejtorinë e Punës dhe Mirëqenies Sociale dhe ta marrë drejtorinë e Shëndetësisw.
Ndërkaq, kryetari Haskuka tha se nuk ka biseduar me partnerët e koalicionit për ndërrim të drejtorive./PrizrenPress.com/