Kryetari i Prizrenit, Mytaher Haskuka, e ka vlerësuar lartë kontributin e veprimtarit të çështjes kombëtare, Mikel Kuzhnini.
Ai tha se Mikeli kishte një frymë patriotike.
“Mikel Kuzhnini me një frymë patriotike dhe liridashëse, për dekada me radhë kontribuoi për promovimin e vlerave kombëtare dhe unitetin e shqiptarëve”, tha ai.
“Edhe pse ishte detyruar të largohej nga atdheu, Mikeli nuk u ndal së punuari dhe së bashku me vëllain Simonin themeluan Lidhjen e Shqiptarëve në Botë, duke vazhduar veprimtarinë e tyre për mobilizim, vetëvendosje e pavarësi dhe më pas edhe që të tregojnë të vërtetën për Kosovën”.
“Sot në Shtëpinë e Kulturës Xhemajli Berisha organizuam akademi përkujtimore për nder të bacit Mikel, i cili do të përkujtohet gjithmonë në historinë e Prizrenit dhe do të vazhdojë të jetë shembull dhe flakadan për gjeneratat e reja se si duhet të jetohet dhe të punohet për kombin”./PrizrenPress.com/
