Kryetari i Komunës së Prizrenit, njëkohësisht kandidat për kryetar të Prizrenit nga Lëvizja VETEVËNDOSJE!, Mytaher Haskuka vizitoi kandidaten për asambliste Dafina Alishani dhe familjen e saj, në fermën e tyre.
Ata diskutuan për zotimet të cilat janë realizuar për katër vite, me theks të veçantë për rritjen e subvencioneve dhe mbështetjen e ofruar për fermerë, me më shumë se 15 projekte që kanë kapur vlerën prej 4,4 milionë euro për katër vite.
Po ashtu, kryetari Haskuka u zotua se gjatë mandatit të dytë fermerët dhe bujqit do të përkrahen edhe më shumë dhe Prizreni do të bëhet kryeqytet i zhvillimit ekonomik dhe i prodhimit.
Haskuka e falënderoi për mikpritje Dafinën dhe familjen e saj dhe u dakorduan që në katër vitet e ardhshme, të bëjnë edhe më shumë punë të mira për Prizrenin!
