Kryetari i Komunës së Prizrenit, Mytaher Haskuka bashkë me Faton Alinë, Drejtorinë e Policisë së këtij qyteti, kanë vizituar të lënduarit pas shpërthimit pas eksplozivit mbrëmë, transmeton Klan Kosova.
Këtë e bëri të ditur Haskuka me anë të një postimi në rrjetin social Facebook. Ai tha se gjendja shëndetësore të lënduarve është jashtë rrezikut për jetë.
“Bashkë me drejtorin e Drejtorisë Rajonale të Policisë në Prizren, kolonel Faton Alija, vizituam spitalin rajonal të Prizrenit, në të cilin po shtrihen të lënduarit e rastit tragjik të mbrëmshëm ku shpërtheu eksplozivi në një shtëpi në Zhur dhe humbi jetën një polic”.
“Gjendja shëndetësore e policit dhe djaloshit të lënduar në spitalin e Prizrenit fatmirësisht është jashtë rrezikut dhe që të dy po marrin tretmanin e duhur mjekësor për t’u shëruar plotësisht”.
“Shpresoj që edhe polici i cili ka gjendje më të rënduar në QKUK të shërohet sa më shpejt dhe që të dy policët të rikthehen në vendet e tyre të punës për të vazhduar t’i shërbejnë vendit. Uroj që rastet e tilla të mos përsëriten kurrë”, ka shkruar Haskuka.