Deputeti i LDK-së Haxhi Avdyli thotë se Qeveria e ardhshme, duhet të rishikojë kontratën me KEDS-in.
“Është e pafalshme dhe e pajustifikueshme që edhe pse qytetarët po paguajnë me rregull faturat e rrymës, në ditët e festës së fundvitit shumë lagje e fshatra po mbesin pa rrymë”, shkruan Avdyli.
Disa prej qyteteve kryesore të vendit mbrëmë e kanë pritur Vitin e Ri nën dritën e qirinjve.
Në mesin e tyre ishte edhe Prizreni.
Në këtë qytet edhe sot ka mungesë të rrymës.
“ Qeveria e Kuvendi i ri i Kosovës, duhet rishikuar kontratën me KEDS-in, nëse ajo po e kryen apo jo obligimin e saj me qytetarët e saj”, shprehet Avdyli.
“Boll ma me ndërprerje të rrymës”.
“Qytetarët dhe ne përfaqësuesit e tyre duam reciprocitet me KEDS-in”./PrizrenPress.com/