19.8 C
Prizren
E martë, 21 Maj, 2024

“Hera e parë”, Shiten për 30 minuta të gjitha biletat

52744_7Janë shitur të 800 biletat për shfaqjen e së hënës në Teatrin Kombëtar të Operas dhe Baletit. “Hera e parë” që sjell në Tiranë balerinët më të njohur shqiptarë nëpër botë, ka shënuar edhe njëherë një rekord. Zyra e shtypit pranë TKOB, konfirmon që çmimet kanë qenë të njëjta si për të gjitha shfaqjet (500 lekë bileta për në sallë dhe 1000 lekë në plate).

Nën drejtimin artistik të Gentian Dodës, balerinët shqiptarë ndër më të famshmit në botë, Anbeta Toromani, Kledi Kadiu, Erjon Kruja, Brigel Gjoka, Hektor Budlla, Leart Duraku, Rezart Stafa, Dorian Grori, e miqtë e tyre Claudia Veçhi, Beatriz Uhalte Cisneros, Alessandro Macario do të sjellin në skenë pjesët e tyre më të arrira. Shfaqja vjen në Shqipëri me mbështetjen e ministrisë së Kulturës dhe asaj të Jashtme. Ajo është një gala me repertor klasik, neoklasik, modern, kontemporan, abstrakt. Do të ketë një pjesë që interpretohet nga Erion Kruja (që punon në një kompani të madhe në Londër), ndërsa Kledi Kadiu interpreton një pjesë që Genti Doda e koreografoi enkas për këtë shfaqje, nën tingujt e kabasë.

Në të prezantohen stilet e ndryshme që balerinët kanë marrë nga çdo kompani e ambient që kanë punuar. “Hera e parë” sjell në Tiranë emra të njohur të baletit shqiptar, që interpretojnë për kompani baleti nga më prestigjiozet në botë, si “Hofesh Shechter Company”, “The Forsythe Company”, “Aterballetto”, “Balletto di Roma”, “Teatro san Carlo di Napoli”, “Compania Nacional de Danza”, “Balletto Classico Cosi Stefanescu”, “Balletto di Montecarlo”. Spektakli është ideuar nga Kledi Kadiu e Anbeta Toromani, drejtor artistik Gentian Doda. TKOB, 5 maj 2014, ora 20.00.

Më Shumë

Totaj viziton disa biznese të Prizrenit

Kryetari i komunës ë Prizrenit, Shaqir Totaj ditën e premte ka vizituar dhe ka parë nga afër të arriturat e disa prej bizneseve të...

Moti sot: I vranët dhe me intervale me shi

Instituti Hidrometeorologjik i Kosovës ka bërë të ditur se këtë të mërkure parashihet të mbajë mot i vranët dhe me intervale me diell. Sipas IHMK-së,...

Lajmet e Fundit