Edhe pse ka kaluar një muaj nga vrasja e ish–kandidatit për deputet të Partisë Demokratike të Kosovës (PDK) për deputet, në zgjedhjet nacionale të 8 Qershorit, ende nuk dihen autorët e vrasjes.
Zëdhënësi i Policisë së Kosovës, Baki Kelani, ka thënë për Telegrafin se “Policia e Kosovës vazhdon me hetime intensive në drejtim të zbardhjes së kësaj vrasje”.
Ndryshe, me 15 Qershor të këtij viti rreth orës 1 pas mesnate ishte vrarë me armë zjarri Elvis Pista, anëtari i PDK-së dhe njëherit kandidat për deputet i kësaj partie, për motive ende të panjohura.
Atentati ka ndodhur në Rahovec rreth orës 00:45, në oborrin e një restoranti, teksa Elvis Pista po festonte ditëlindjen e bashkëshortes së tij, e cila mësohet të jetë shtatzënë.