Mbi 300 vepra të botuara në gjuhën shqipe gjatë viteve 1949-1969 janë ekspozuar në Bibliotekën Kombëtare të Kosovës “Pjetër Bogdani”.
Ekspozita që është hapur të mërkurën, në kuadër të edicionit të 13-të të “Javës së bibliotekës në Kosovë”, ka bërë bashkë veprat e autorëve vendorë e të huaj. “Në prehën të gjyshes” e Anton Çettës, botim i shtëpisë botuese “Rilindja”, më 1964, përmbledhja me poezi “Bulzat” e autorit Azem Shkreli, botuar nga e njëjta shtëpi botuese më 1960, janë vetëm dy nga librat që në Bibliotekën Kombëtare zënë vend në koleksionet e veçanta.
“Janë 105 autorë shqiptarë, 66 jugosllavë, 20 rusë, 21 anglo-amerikanë dhe autorë të letërsisë së vjetër greke”, ka thënë Bedrije Mekolli, shefe e sektorit të koleksioneve të veçanta në hapjen e ekspozitës “Historiku i botimit letrar shqip 1949-1969”.
Nga titujt që janë ekspozuar për publikun, por të cilët nuk mund të shfletohen, më shumë se gjysma e më tepër janë të letërsisë për fëmijë. Botimet e para në shqip të autorëve me nam si William Shakespeare e Henrik Ibsen janë pjesë e ekspozitë