Claudio Lotito dhe Maurizio Sarri po synojnë të krijojnë një Lazio të re. Kapiteni i Kombëtares së Shqipërisë, Elseid Hysaj, pritet të jetë një nga “viktimat” e merkatos.
Shkodrani do të largohet nga lacialët dhe në vend të tij pritet të afrohet Samuele Birindelli, sipas raportimeve që vijnë nga “Corriere dello Sport”.
Vlerësimi i bërë nga klubi toskan është 4-5 milionë euro, plotësisht brenda mundësive të “Biancocelesti”-ve
Birindelli luan me Pisa-n në Serie B dhe është pjesë e Italisë U-21. 22-vjeçari u aktivizua në 41 takime këtë sezon, duke realizuar një gol dhe katër asiste.
Ndërkohë, Hysaj këtë sezon u aktivizua në 38 ndeshje me Lazio-n, ku regjistroi vetëm një asist.
Emerson Palmieri i Chelsea-t, Javi Galan i Celta Vigo-s, Nico Schulz i Borussia Dortmund-it dhe Fabiano Parisi i Empol-it janë gjithashtu në listën e Lazio-s për të zëvendësuar Hysajn.
/Albanianpost.com