15.8 C
Prizren
E martë, 16 Prill, 2024

Ilir Blakçori, fitues i konkursit për memorialin “Heroinat”

HeroinatArtisti Ilir Blakçori, nga Molosgroup është fitues i projektit për memorialin në nderim të rolit të grave gjatë luftës “Heroinat”, ka mësuar Koha.net. Vlerat e bocetës së artistit të ri, e cila ishte futur nga juria në rrethin e ngushtë prej tre propozimesh nga 22 sa kishin konkurruar, janë imponuar para anëtarëve të komisionit përzgjedhës, të cilët, siç merret vesh, nuk e patën të vështirë ta shpallin fitues.

Deputetja Alma Lama, njëherësh edhe ideatorja dhe propozuesja e këtij projekti, ka thënë të hënën për Kohën Ditore se propozimi për të cilin janë përcaktuar shumica e anëtarëve të jurisë, i ka përmbushur të gjitha kriteret e kërkuara.

“Ajo çfarë mund t’ju them unë aktualisht është se komisioni e ka bërë përzgjedhjen e fituesit, mirëpo zyrtarisht pritet të shpallet këto dy-tre ditë, në përputhje me procedurat e konkursit”, ka theksuar Lama. Sipas saj, tri propozime kanë hyrë në rrethin e ngushtë por shumica nga anëtarët e komisionit përzgjedhës janë përcaktuar për njërin.

Heroinat1Përzgjedhja është bërë në konkursin e tretë, pasi dy konkurset e para kishin dështuar për shkak të mospjesëmarrjes së artistëve me propozime. Konkursi i tretë ishte hapur më 19 shtator të këtij viti dhe ishte mbyllur në mes të muajit tetor. Në bazë të konkursit memoriali duhet të rrëfejë në mënyrë të shkruar kontributin e gruas, të simbolizojë forcën dhe sakrificën e gruas, të realizohet artistikisht, në mënyrë që të jetë gjithëpërfshirës dhe të paraqesë vetëdije kombëtare. Hapësira në të cilën duhet të ndërtohet memoriali do të ketë një sipërfaqe në maksimum 100 metra katrorë. Komisioni i përbërë nga Mrikë Macula, Alma Lama, Flora Brovina, Shkëlzen Qorraj, Teuta Sahatçiu, Lendita Radoniqi dhe artistët Majlinda Kelmendi dhe Agim Salihu bashkë me Adnan Elshanin kishte për detyrë ta bënte përzgjedhjen e fituesit.

Më Shumë

Fqinji i theu hundën 4-vjeçarit në Prizren, flet prindi i tij: E mori nga duart e nënës sime dhe e goditi

Një akt brutal ka ndodhur në Prizren pasi një katërvjeçar është sulmuar nga fqinji i tij. Në një intervistë për Kosova Today të Klan Kosovës,...

Parashikohet rënie e temperaturave në javën e ardhshme

Instituti Hidrometeorologjik i Kosovës ka njoftuar se për javën e ardhshme parashihen ulje e temperaturave të vlerave ekstreme dhe reshje të shiut. E hëna...

Lajmet e Fundit