Në qendrën më të madhe të votimit në Rahovec – në shkollën “Isa Boletini” ka një intensitet të vogël të votuesve mëngjesin e kësaj të diele.
Gazetari Liridon Zeqiri ka intervistuar drejtorin e kësaj qendre, Sakip Kryeziu, i cili ka treguar mbarëvajtjen e procesit zgjedhor, njofton Klankosova.tv.
“Të drejtë vote në këtë qendër kanë shtatë mijë e 245 qytetarë. Deri tani gjithçka ka shkuar me rregull dhe qendra është hapur me kohë por intensiteti i votuesve është shumë i vogël mbase sepse është ende herët – por presim që pasdite të kemi më shumë votues”, tha Kryeziu.