Iniciativa Qytetare për Malishevën ka demantuar deklaratën e Ministrit të Arsimit Ramë Buja, i cili i ka dalë në mbrojtje ‘Qeverisë Kilaj’. Sipas IQPM-së, ministri Buja e ka marrë me ‘hez’, që t’i dalë në mbrojtje dështimeve që ka pasur në sektorin e arsimit në Malishevë.
“Ministër, si duket e ke marrë pak si me haz mbrojtjen e grupit qeverisës në Malishevë, tani më të dështuar. Besojmë se edhe ju e keni të njohur se si ka ardhur në pushtet ky grup tani më shumë i vogël dhe i braktisur nga qytetarët e Malishevës”, thuhet në reagimin e IQPM-së.
.
IQPM ia ka bërë me dije Bujës se Qeveria në Malishevë në të ardhmen nuk varet nga parashikimi, dëshira, vullneti apo krijimi i opinionit që po përpiqeni ta krijoni ju nëpër media.
“Ministri në fjalë më mirë është ndoshta të mendojë se si do ta menaxhoj gjendjen në Lipjan pas mashtrimeve që u ka bërë strukturave të “partisë amë” siç e quan ai, se sa të parashikojë për Iniciativën Qytetare në Malishevë. Ne, ja bëjmë me dije Ministrit që fare nuk ka dijeni me gjendjen në arsim në Komunën e Malishevës, ku të preferuarit e tij, e kanë degraduar procesin mësimor me klane e familjarizim, e kohëve të fundit kanë marrë masa diferencuese ndajë të gjithë atyre që kanë guxuar të ngrenë zërin për ndryshime, në politikën lokale apo edhe për gjendjen në arsim, e këto masa në kujtesën e qytetarëve të Malishevës kanë sjellë vitin e diferencimeve politike të viti 1981”.
IQPM është e bindur se fitorja është e Iniciativës Qytetare për Malishevën. “Ky është vullnet i qytetarëve të Malishevës të cilin vullnet, askush nuk mund ta ndryshojë as me kërcënimet që po vijnë nga niveli lokal e as nga paralajmërimet e mbrapshta e të ulta të nivelit qendror”./PrizrenPress.com/