Isa Mustafa, e ka në plan sërish të jetë kandidat për Kryetar të LDK’së, në zgjedhjet që pritet të nisin muajin ardhshëm.
Burime të Express kanë thënë se Mustafa fillimisht po synon ta marrë pozitën e Kryeministrit e pastaj t’i shpallë zgjedhjet e brendshme dhe të udhëheq LDK’në edhe për një mandat.
Zyrtarë të LDK’së i kanë thënë Gazetës Express se Mustafa nuk e ka përkrahjen e një pjesë të madhe të udhëheqjes së LDK’së, por tash pas koalicionit me PDK’në gjërat kanë ndryshuar.
“Në Kryesi është hapur tema e kandidatin për Kryetar. I është kërkuar të deklarohet nëse kandidon në mënyrë që mos të ketë kandidat të tjerë. z. Mustafa s’ka dashur të flas për këtë temë”, ka thënë njëri prej zyrtarëve të Kryesisë së LDK’së.
Mirëpo, në garë për kreun e LDK’së, pritet të jetë edhe Vjosa Osmani. Ajo tashmë ka nisur fushatën për të marrë udhëheqjen e partisë së themeluar nga Ibrahim Rugova.
“Fjalim i Vjosa Osmanit në Këshillin e Përgjithshëm të LDK’së është platforma e saj për të ardhur në krye të LDK’së”, ka shtuar ai.
Isa Mustafa, prapa vetës ka tri humbje, dy palë zgjedhje nacionale dhe në zgjedhjet lokale humbi edhe Prishtinën.
Deri më tash, për Kryetar të LDK’së janë përmendur edhe Lutfi Haziri, Fatmir Sejdiu, Arben Gashi e Vjosa Osmani.
