17.9 C
Prizren
E diel, 31 Gusht, 2025

Ish-deputeti Xhavit Ukaj konfirmon arrestimin e djemve të tij, njëri prej tyre asamblist i LDK-së në Prizren

Dy djemtë e ish-deputetit të LDK-së, Xhavit Ukaj në Prizren janë arrestuar gjatë ditës së djeshme në Prizren, nën dyshimet se janë përfshirë në një rrahje, në fshatin Serbicë e Ulët. Florenti, ish-kandidat për deputet po ashtu nga LDK, tash asamblist në komunën e Prizrenit dhe Fatoni, janë ndaluar për 48 orë, të dyshuar për dy vepra penale.

 

 

Lajmin për Sinjalin e ka konfirmuar edhe vet Xhavit Ukaj, i cili tha se përveç dy djemve të tij, i arrestuar është edhe djali i vëllait të tij. Sipas tij, rrahja ka qenë masive dhe nuk është nisur nga djemtë e tij.

“Po, janë arrestu gjatë ndeshjes futbollistike, jonë rrah shikuesit. Krejt kanë qenë shikues, të rastit, në mesin e tyre kanë qenë edhe këta. Aty jonë rreh shumë persona, jo veç këta. Dy djemtë e mi edhe djali i vëllait janë arrestu”, tha Ukaj për Sinjalin.

Detajet e rastit

Burimet nga Prokuroria kanë bërë me dije se dy Florenti dhe Fatoni, djemtë e ish-deputetit, Xhavit Ukaj, janë ndaluar pasi dyshohen për veprat penale “Lëndim i lehtë trupor” dhe “Kanosje”. Sinjali mëson se rrahja ka ndodhur gjatë një ndeshje të futbollit në këtë fshat.

Për motive ende të panjohura, ata dyshohet se janë rrahur me dy persona të tjerë, të cilëve iu kanë shkaktuar lëndime trupore, si pasojë e sulmit fizik. Në vendin e ngjarjes ka intervenuar edhe Policia e Kosovës, ku pasi njësitet policore kanë dalë në vendin e ngjarjes, të dyshuarit janë shoqëruar në stacion policor, teksa të lënduarit janë dërguar për trajtim mjekësor.

Sipas të njëjtave burime, ndaj tre të dyshuarve është lëshuar aktvendim për ndalim prej 48 orësh dhe pritet dorëzimi i kallëzimit penal brenda afatit ligjor.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Më Shumë

Arrestohet një person në Prizren, dyshohet se sulmoi policët pasi i shqiptuan gjobë në trafik

Një person është arrestuar në Prizren pasi dyshohet se kishe sulmuar zyrtarët policorë pasi i shqiptuan gjobë në trafik.   Në raportin 24 orësh të Policisë,...

Prizreni sfidon Ramiz Sadikun në Prishtinë

FC Prizrenit do të zbresë në fushë të mërkurën më 27 gusht 2025, ku do të përballet me KF Ramiz Sadikun në stadiumin “Ramiz...

Lajmet e Fundit