Autori i romanit ‘’Dita e çakallit’’ Frederick Forsyth zuri faqet e para të gazetave kur kishte pranaur se kishte punuar si agjent sekret për MI6- Agjensi Britanike e Intelegjencës.
Megjithatë ky nuk është edhe i vetmi shkrimtar që kishte qenë spiun.
Më poshtë do të i’u rëndisim disa nga shkrimtarët të cilët i hynë rendit të spiunazhit, dhe gjithësesi ju mund të mbeteni të habitur.
Ian Fleming
Duke qenë krijuesi i spiunit më të njohur në botë ai ishte edhe vet i tillë, ky Flemingu që shkroi novelat e James Bond- 007 punoi si agjent i Marinës Britanike gjatë Luftës së Dytë Botërore, duke u bërë kështu ndihmës me rol të madh në disa misione të suksesshme spiunazhi kundër Gjermanisë naziste.
Roald Dahl
Dahl, duke qenë pilot i avionëve luftarak gjatë Luftës së Dytë Botërore, pas përfundimit të saj punoi në ambasadën britanike në Washington, DC. Gjatë kësaj kohe thuhet se bashkë me agjentë britanik dhe kanadezë, hetoi prirjet politike të grave të shquara amerikane, ku sipas disa burimeve Roald Dahl ka fjetur me të gjitha këto gra, si një mënyrë për t’u afruar më tepër me to.
Graham Greene
Një person i cili shkruan romane, duhet të ketë patjetër dicka të vecantë bashkëpunimi me Intelegjencën Britanike që e frymëzon atë të bëjë dicka të tillë. Ashtu si shumë autorë të tjerë në këtë listë Graham Greene ka punuar poashtu për MI6, por në fakt pozicioni i tij është unik, sepse në kohën kur iu bashkua agjencisë ai ishte vecse shkrimtar i njohur, duke e ndihmuar atë në hyrje-daljet e tij në zona të ndjeshme si një nga asetet më të çmuara të MI6.
Ernest Hemingway
Hemingway përcolli informacione agjensisë ruse të spiunazhit deri në vitet 50-ta, kështu të paktën e pranuan autorët Harvey Klehr, John Earl Haynes dhe Alexander Vassiliev në librin ‘’Spiunët: Shkëlqimi dhe rënia e KGB-së’’. Por Ernest Hemingway u lirua nga ajo detyrë sepse kishte cilësi të dobët të informacioneve.
Peter Matthiessen
Si themelues i ‘’Paris Review’’, shkrimtari Matthiessen ka fituar tri herë çmimin kombëtar të letërsisë, por kjo nuk është e vetmja, ai gjithashtu ka punuar për CIA-në. Kurse ‘’Paris Review’’ ishte pjesë e mbulimit të tij ndërsa bashkëthemeluesit e tjerë nuk ishin në dijeni të këtij fakti. /BotimeShqip/