I akuzuari për vrasjen e Ruzhdi Shaqirit në m 4 gusht, Gani Geci është kërcënuar nga një person në burgun e Lipjanit, atje ku edhe po mbahet.
Këtë e thonë burime të Indeksonline të cilat bëjnë me dije se këtë e ka bërë një i arrestuar në burg e që është nga Skenderaji dhe është nip i Sabit Gecit. Po sipas këtij burimi, i arrestuari është i dyshuar për terrorizëm.
Se ka kërcënime, e bënë me dije edhe vëllai i Ganiut, Fadil Geci i cili ka thënë se është edhe në dijeni se brenda burgut të lipjanit është edhe një i afërm i Sabitit, e që është arrestuar për terrorizëm.
“Është e vërete që ka kërcënime. Ajo që po thoni ka bazë, dhe që është një djalë i tyre aty. Edhe këtë e di që është aty . Të gjitha te këqijat vijn prej një adrese, rreth Sabitit”, tha Geci, duke shprehur shqetësimin për sigurinë e të vëllait.
“Ne kemi shprehur shqetësimin tonë përmes shkresave që i kemi dërguar edhe në Gjykatë. I kemi bërë me dije për pasojat që mund të jenë”, tha Fadil Geci për Indeksonline, duke shtuar se Ganiu është mirë dhe po trajtohet mirë.