Infermieri Imer Ademoviq ka rrëfyer për sulmin fizik që ka pësuar gjatë orarit të punës në Spitalin e Prizrenit. Ai tregon se fizikisht është sulmuar në ora 5 e 30 minuta të mëngjesit.
“Në ora 5.30 të mëngjesit kisha 3 pacientë për rentgen. Derisa punoja me pacientin e parë, përcjellësi i pacientit tjetër ka ardhur në vendin e punimit të filmave, më ka ofenduar dhe më ka sulmuar fizikisht”,tregon ai.
“Pas sulmit e kam thirr shefin e radiologjisë, Dr. Arsim Kabashin, i cili ishte kujdestar, dhe më pas e kam thirr edhe policinë”.
Ndërkaq, për sulmin fizik ka raportuar edhe Policia e Kosovës. /PrizrenPress.com/