Presidentja e Kosovës, Atifete Jahjaga, ka përfunduar takimin me Grupin 6 Plus me të cilët ka diskutuar për hapat që duhet marr në zgjidhjen e ngërçit politik.
Pas takimit , kryetari i Grupit 6 Plus, Mahir Jagxhillar tha se me Jahjagën biseduan për seancën e së enjtes dhe zgjidhjes së ngërçit politik.
Ai shtoi se ata janë të gatshëm të votojnë kandidatin e PDK-së por edhe të Bllokut, vetëm të tejkalohet bllokimi i Kuvendit të Kosovës.
Jahjaga ka zhvilluar edhe të hënën takime të ndara me partitë politike të përfaqësuara në Kuvend për të diskutuar tejkalimin e ngërçit politik në vend.
Takimet po zhvillohen pasi që Jahjaga është kthyer nga vizita në Shtetet e Bashkuara të Amerikës dhe në prag të vazhdimit të seancës konstituive më 2 tetor, ku pika e vetme mbetet zgjedhja e kryetarit dhe nënkryetarëve të Kuvendit.