16.8 C
Prizren
E enjte, 28 Mars, 2024

Jenuzi ‘harron’ të formojë qeverinë e re në Dragash

SalimJonuziSalim Jenuz nuk ka arritur të formojë ende qeverinë e re në Dragash. Edhe pse kanë kaluar më shumë se tre muaj,që kur kanë përfunduar zgjedhjet lokale, Jenuzi nuk ka mundur të zgjedh drejtorët e rinj të Ekzekutivit. Ai ende është duke punuar me drejtorët e mandatit të kaluar.

Burimet e PrizrenPress-it bëjnë të ditur se Jenuzi nuk është duke u marrë fare me formimin e qeverisë së re.

“Kryetari Jenuzi ka harruar krejt për të formuar qeverinë e re”, tregon me kusht anonimiteti një anëtar i PDK-së në Dragash.

Salim Jenuzi dhe PDK-ja në Dragash në zgjedhjet e fundit lokale, fituan edhe një mandat për të qeverisur komunën e Sharrit. Fitoren Jonuzi e siguroi për të tretën herë në balotazhin e 1 dhjetorit, përballë kandidatit të LDK-së,Fatmir Mehmeti.

Për të arritur deri të fitorja, ai në balotazh ka mbledhur rreth vetit në koalicion edhe pesë subjekte të tjera politike, në mesin e tyre edhe CDU-në

Burimet e “PrizrenPress-it”, bëjnë të ditur se koalicioni i PDK-së me CDU-në, po i shkakton probleme kryetarit Salim Jenuzit, në formimin e qeverisë së re në Sharr. Ai nuk është duke mundur që të ndaj ‘kulaçin” e pushtetit në mes të partive politike në koalicion dhe PDK-së.

“Jenuzi ka ra në hall të madh .Nuk është duke ditur se si t’ia lidhë kryet formimit të qeverisë së re”, tregon burimi i “PrizrenPress-it”.Sipas të njëjtit burim, pakënaqësi për numrin e madh të partive në koalicion kanë shprehur edhe anëtarët brenda PDK-së.

” Pesë partitë politike në koalicion nuk heqin dorë nga marrëveshja që kanë arritur në balotazh”.

Ekzekutivi i Komunës së Dragashit, përbëhet prej tetë drejtorive. Ndërkaq, PDK-ja në balotazh, ka lidhë koalicion me pesë subjekte politike, AKR-në,AAK-në,”Vakat”,GIG dhe CDU-në. Në opozitë kanë mbetur vetëm LDK-ja dhe Bashkimi Demokratik.

“Tash janë shfaqur shumë pakënaqësi edhe brenda PDK-së. Jenuzi për t’i ikur konfliktit të brendshëm po e heshtë formimin e qeverisë së re”.
Jenuzi në balotazhin e 1 dhjetorit ka dal fitues përballë kundërkandidatit të LDK-së, Fatmir Mehmeti./PrizrenPress.com/

Më Shumë

Rifat Jashari kërkon që të gjithë shqiptarët të jenë të bashkuar

Në Gllogjan të Deçanit u mbajt manifestimi qendror i “Epopesë së Dukagjinit”. Sot më 24 mars u bënë 26 vjet nga rezistenca e UÇK-së me...

Kurti pranon nga Nagavci raportin e teksteve të rishikuara për klasat 1-9

Kryeministri Albin Kurti e konsideron thelbësor rishikimin e teksteve shkollore për cilësinë e arsimit dhe edukimit në Kosovë. Këtë deklaratë ai e ka bërë...

Lajmet e Fundit