Juventus është në një udhëkryq financiar që mund ta çojë atë të ndahet nga një prej yjeve të ekipit, Dusan Vlahovic.
Sipas raportimeve në Itali, klubi bardhezi po mendon seriozisht shitjen e sulmuesit serb për arsye thjesht ekonomike pasi dëshirojnë të lehtësojnë llogaritë në muajt e ardhshëm.
Edhe pse Vlahovic është dëshmuar të jetë një aset i vlefshëm në fushë, blerja e tij për 70 milionë euro plus bonuse dhe paga e tij prej 8 milionë euro neto (me rritje deri në 2 milionë euro në sezon deri në fund të kontratës, 2026) në vit kanë vënë nën presion të madh në financat e klubit. Kjo barrë financiare e bën atë lojtarin me ndikimin më të madh financiar në buxhetin e klubit.
Siç raporton “Corriere dello Sport”, menaxhimi i buxhetit të Juventus-it ka qenë nën vëzhgim të vazhdueshëm dhe drejtuesit e klubit po kërkojnë mënyra për të ulur kostot dhe për të balancuar librat.
Në këtë kontekst, shitja e mundshme e Vlahovic-it paraqitet si një zgjidhje praktike për zbutjen e tensioneve financiare.
Është e rëndësishme të theksohet se ky vendim nuk bazohet në çështje teknike apo performancën e lojtarit në fushë, pasi Vlahovic ka qenë pjesë e pandarë e skuadrës dhe ka kontribuar në gola të rëndësishëm.
Megjithatë, situata aktuale financiare e Juventus-it kërkon masa drastike për të ruajtur stabilitetin financiar të klubit. Albanian Post