Kryetari i PDK-së, Kadri Veseli, ju ka premtuar banorëve të fshatit Korishë, se do të mbështes çdo projekt kapital që iniciohet, sic ka thënë ai nga kryetari i ardhshëm i Komunës, Shaqir Totaj.
“Do të mbështesë çdo projekt kapital që iniciohet nga Shaqir Totaj dhe banorët e komunës së Prizrenit. Po ashtu, garantoj se Prizrenin do ta shndërrojmë në kryeqendër të zhvillimit ekonomik”, ka premtuar Veseli.
Kandidati për kryetar të komunës së Prizrenit, Shaqir Totaj, së bashku me liderin e PDK-së, Kadri Veseli, para banorëve të Korishës shpalosën programin qeverisës dhe mundësitë që i ofron Forca e Ndryshimit për Prizrenin.
Duke u ndjerë falenderues për pjesësmarrjen masive, Totaj, u zotua se pos Fondit për Zhvillim ekonomik prej 2 milionë eurosh, do të rris buxhetin për subvencionimin e fermerëve, i cili do të jetë promotor i rritjes së numrit të punëtorëve dhe zbutjes së papunësisë.
Nga ana tjetër, banorët e Korishës treguan gatishmëri, që në zgjedhjet lokale të 22 tetorit, ta përkrahin Shaqir Totajn për kryetar dhe se vota e tyre do të shkojë vetëm për numrin 94 dhe Partinë Demokratike të Kosovës.
