Kandidatët për deputetë të Nismës për Kosovën nga Prizreni, fushatën zgjedhore e kanë filluar me vendosjen e lulave, pranë Memorialit të Dëshmorëve dhe dëshmorit të kombit, Remzi Ademaj-Petriti.
Kryetari i i Degës, Zafir Berisha, njëherësh kandidati për deputet, tha se “në mënyrë simbolike nga ky Memorial fillojmë fushatën elektorale, për të treguar respektin për ata që u flijuan për shtetin e Kosovës dhe në të njëjtën kohë për t’u zotuar për angazhimet tona të vendosura në ndërtimin e shtetit ligjor dhe zhvillim ekonomik”.
“Kosova ka nevojë që në skenën politike dhe institucionale të ketë njerëz të vendosur dhe që e mbajnë fjalën në përcaktimin e tyre, për realizimin e objektivave të cilat do të jenë të favorshme për qytetarët e Kosovës”.
Nisma në Prizren në zgjedhjet e 11 qershorit garon me tre kandidatë për deputetë: Zafir Berisha, Albulena Balaj–Halimajdhe Manuella Koni./PrizrenPress.com/
