Kandidati i Partisë Demokratike të Kosovës (PDK) për kryeministër, Bedri Hamza, realizoi sot një vizitë në Prizren, ku u prit nga kryetari i PDK-së, dega në Prizren, Shaqir Totaj.
Totaj shprehu kënaqësinë për praninë e Hamzës dhe kolegëve të tij në qendër të qytetit.
Ai theksoi se, si kandidat i subjektit politik të dëshmuar për progres, Hamza do të fokusojë punën e tij në përmirësimin e cilësisë së jetës së qytetarëve dhe zhvillimin e qëndrueshëm social e ekonomik.
“Qeverisja aktuale e PDK-së në Prizren është një shembull se si duhen trajtuar çështjet me interes për publikun. Partia Demokratike e Kosovës e ka praktikuar këtë për 25 vjet,” tha Totaj.
Ai shprehu besimin se do të vazhdojnë me të njëjtin ritëm, si në qeverisjen komunale ashtu edhe në atë qendrore./PP/
Marketing
Përjetoni pushime të paharruar dhe dasma magjike në Hotel “Albes Residence”
