Sahit F. Osmani
Ata ato q? do të vinë
E do të ulen në të njëjtat vende
Ç’pastrime do t’i bëjnë vetvetes
Frymëmarrja që të jetë e lirë
Fjala t’i lidhë me njerëzit
Pështyma mos t’ua përlyejë shpirtin
Gjuhën mos ta përgjakin dhëmbët grila
Mos të shkilet e drejta me këmbë
Le të vijnë të tjerë
Dhe të njëjtit le të vijnë
Spërkatja me të gjitha ngjyrat
Fytyrat djallëzore nuk i mbulon
Pastrojeni veten
Pa fajin e të tjerëve
Kënaqësinë ndoshta do ta keni
Të larë në rreze dielli