Policia e Kosoves njofton se brenda 24 orësh në rajonin e Prizrenit kanë ndodhur 4 aksidente me ç’rast janë lënduar 9 persona.
Në fshatin Dragobil të Malishevës, ka ndodhur një aksident trafiku në mes të dy veturave me targa lokale nga mospërshtatja e shpejtësisë se lëvizjes me kushtet e rrugës nga ana e të dyshuarit, i cili me veturën e tij është aksidentuar – e ka godit në pjesën e prapme duke u kyçur veturën që drejtohej nga viktima. Si pasojë e aksidentit njeri drejtuesit ka pësuar lëndime trupore dhe është dërguar për tretman mjekësor në QKUK-Prishtinë. I dyshuari është arrestuar dhe i njëjti me urdhër te prokurorit dërgohet në mbajtje.
Aksidenti i dytë ka ndodhur në Prevallë të Prizrenit në mes të dy veturave njëra ‘Citroen Xantia’ që drejtohej nga i dyshuari shtetas maqedon dhe veturës se dytë ‘BMW’ me targa që drejtohej nga shqiptari. Deri te aksidenti ka ardhur për shkak të mospërshtatjes së shpejtësisë së lëvizjes me kushtet e rrugës nga i dyshuari i cili humb kontrollin ndaj veturës dhe në shiritin e kundërt aksidentohet me veturën tjetër që drejtohej nga viktima. Si pasojë e aksidentit lëndime trupore ka pësuar viktima-drejtuesi i veturës se dytë dhe dy pasagjerë meshkuj K-Shqiptar. Të lënduarit janë dërguar në Spitalin e Prizrenit dhe pas tretmanit mjekësor janë liruar.
Ndërkaq në fshatin Reqan të Prizren ka ndodhur një aksident trafiku në mes të dy veturave njëra ‘Opel Astra’ që drejtohej nga i dyshuari boshnjak dhe veturës së dytë ‘BMW’ që drejtohej nga viktima shtetas maqedon. Deri te aksidenti ka ardhur për shkak të mospërshtatjes së shpejtësisë së lëvizjes me kushtet e rrugës nga i dyshuari i cili humb kontrollin ndaj veturës dhe ne shiritin e kundërt aksidentohet me veturën tjetër që drejtohej nga viktima. Si pasojë e aksidentit lëndime trupore kanë pësuar të dy drejtuesit e veturave dhe një pasagjere femër shtetase maqedone në veturën e viktimës. Te lënduarit janë dërguar në Spitalin e Prizrenit dhe pas tretmanit mjekësor janë liruar.
Aksidenti i katërt ka ndodhur në fshatin Hisar të Suharekës. Dy vetura, njëra ‘Mercedes’ që drejtohej nga i dyshuari dhe vetura tjetër ‘Ford Fiesta’ që drejtohej nga viktima. Deri te aksidenti ka ardhur nga mospërshtatja e shpejtësisë së lëvizjes me kushtet e rrugës nga ana e të dyshuarit i cili me veturën e tij ne anën e kundërt aksidentohet me veturën qe drejtohej nga viktima. Si pasojë e aksidentit një mashkull dhe një femër K-Shqiptare kanë pësuar lëndime trupore dhe të njëjtit janë dërguar për tretman mjekësor ne Spitalin Rajonal të Prizrenit. /PrizrenPress.com/