Policia e Kosovës ka arrestuar katër persona në Prizren.
Një i dyshuar është arrestuar, pasi që i njëjti në shenjë hakmarrje për vëllain e vet lidhur me një mosmarrëveshje të mëhershme, e ka sulmuar fizikisht një mashkull. Viktima ka pësuar lëndime trupore.
Sipas policisë, i arrestuari tjetër është një person i kërkuar nga gjykata kompetente e RKS-së. I njëjti është ekstraduar nga autoritetet e BeH-së përmes zyrës ndërlidhëse ILECU.
Kurse, dy persona tjerë janë arrestuar në bazë të urdhëresës së lëshuar nga Gjykata Themelore në Prizren.
Me urdhër të prokurorit katër të dyshuarit janë dërguar në mbajtje. /PrizrenPress.com