Këngëtarja Kelly Rowland është martuar me Tim Witherspoon në një ceremoni sekrete në Kosta Rika, ku të pranishme ishin Beyonce dhe Solange pas polemikave të “after party”-t të Met Gala.
Kelly dukej e mrekullueshme me një fustan të bardhë. Edhe bashkëshorti i saj kishte veshur një kostum në ngjyrë të bardhë.
Beyonce ishte ajo e cila në Instagram postoi foto gjatë ceremonisë së dasmës dhe ishte e para që e shpërndau lajmin.
Sipas “Us Weekly”, ceremonia ishte shumë e thjeshtë dhe kishte jo më shumë se rreth 30 persona të ftuar. Beyonce ishte e ftuara speciale e saj. Kelly dhe Beyonce pothuajse janë rritur së bashku dhe kanë përjetuar suksesin më të madh në kohën e “Destiny’s Child”.
Në një intervistë në dhjetor, 33-vjeçarja Rowland pranoi se ajo dhe Tim ishin fejuar prej shumë kohësh. Kelly tregon se i dashuri i saj prej 4 vitesh e propozoi në Skype teksa ai ndodhej në Bullgari.