17.9 C
Prizren
E diel, 31 Gusht, 2025

Kërcet dajaku në një familje në Prizren: Tre veta kundër një – dy gra përfundojnë në spital

Telashet familjare shpesh herë kalojnë muret e shtëpive, për shkak të eskalimit të situatës ku nevojitet edhe ndërhyrja e Policisë. Një rast i tillë ka ndodhur dje në një familje në Prizren, ku katër persona janë përfshirë në një përleshje, raporton Gazeta Sinjali.

Sinjali mëson se për motive ende të panjohura një burrë, një grua dhe një vajzë e re në familjen Namlexhiu kanë sulmuar fizikisht familjaren e tyre 47-vjeçare. Si pasojë e përleshjes fizike në të cilën u përfshinë, viktima dhe njëra grua nga të dyshuarit janë dërguar në spital për të kërkuar ndihmë mjekësore.

Ndërkohë rasti është denoncuar dhe në Polici me ç’rast një patrullë ka dalë në vendin e ngjarjes ku ka arrestuar tre të dyshuarit, të cilët u shoqëruan në stacion policor për intervistim.

Pas përfundimit të procedurave policore, prokurori ka nxjerrë aktvendim që burri i dyshuar të ndalohet për 48 orë, ndërsa dy të dyshuarat tjera janë liruar në procedurë të rregullt.

/GazetaSinjali/

Më Shumë

Mjeshtri nga Prizreni ekspozon gozhdat e nxjerra nga gomat për 40 vite

Mjeshtri i gomave në Prizren, i njohur si Ayko Usta (Çesko), prej 40 vitesh mbledh gozhda, copëza hekuri dhe metale të ngjashme që dalin...

Nagavci e Basha s’i marrin votat për kryetar të Kuvendit

Deputeti Dimal Basha nuk ka arritur të marrë votat e mjaftueshme për kryeparlamentar. As Dimal basha i LVV-së nuk kaloi. Në sallë ishin të pranishëm...

Kërkimi

Lajmet e Fundit