23.8 C
Prizren
E premte, 19 Gusht, 2022

Këta janë tre të arrestuarit nga e njëjta familje që dyshohet se vodhën në një shtëpi në Suharekë

Janë arrestuar tre persona në Suharekë, të cilët dyshohen për një vjedhje të rëndë që ka ndodhur më 23 qershor në një shtëpi atje.

Rasti ishte denoncuar menjëherë në Polici, por të dyshuarit u kapën pas analizimit të provave të mbledhur nga Policia.

Burimet brenda Prokurorisë kanë bërë të ditur se tre të arrestuarit lidhur me këtë rast janë N. Bytyqi, A. Bytyqi dhe R. Bytyqi, ndaj të cilëve Prokurori ka nxjerrë aktvendim për ndalim prej 48 orësh.

Fillimisht Policia ka zbuluar dy të dyshuarit e parë, të cilët u identifikuan përmes kamerave të sigurisë dhe më pas u arrestuan e shoqëruan në stacion policor për intervistim. Në Polici, ata kanë pranuar se kanë kryer edhe disa raste të tjera të vjedhjeve, gjatë muajit prill.

Ndërkohë, pas mbledhjes së informacioneve të reja, Policia ka arrestuar edhe të dyshuarin e tretë lidhur me këtë rast, i cili po ashtu ka dhënë deklaratë para hetuesve policorë dhe më pas është dërguar në mbajtje.

Kujtojmë se vjedhjet e shpeshta nëpër banesa, shtëpi, institucione financiare, vetura e dyqane, janë bërë një fenomen mjaft shqetësues për qytetarët e Kosovës

Më Shumë

Prizren/ U pa në video duke e rrahur vajzën e mitur, ndalohet për 48 orë

Policia e Kosovës, Stacioni policor në Prizren, ka ndaluar për 48 orë një të dyshuar pasi në rrjete sociale është parë duke e rrahur...

Suhareka planifikon 6 milionë euro për rrugët malore

Turizmi malor jo rrallë shihet si shpëtim ekonomik për shumë familje kosovare. Bjeshkët e vendit tonë ofrojnë resurse të shumta, por ende nuk shfrytëzohen...

Lajmet e Fundit