Misioni shërbyes civilo-ushtarak turk dhuroi një tjetër donacion të madh për shkollat e Komunës së Prizrenit, kësaj radhe në ShFMU “Emin Duraku” në Prizren, me anë të projektit për furnizimin e shkollës me 350 banka dhe 700 karrige të reja për nxënës.
Drejtori i Drejtorisë Komunale të Arsimit, Skender Susuri, në emër të kryetarit të Komunës dhe gjithë nxënësve dhe mësimdhënësve të kësaj shkolle, shprehu falënderimet për këtë donacion dhe donacionet e tjera të Republikës së Turqisë .
Në anën tjetër përfaqësuesi i KFOR-i turk në Kosovë, Koloneli Cem Sinan Barim, pasi ka përmendur Prizrenin si shembull të bashkëjetesës dhe tolerancës mes komuniteteve, ka njoftuar se KFORI-i turk është gatshëm të ndihmojnë fushën e arsimit në Kosovë sa herë që kanë mundësi, raporton Gazeta e Re.
.
