9.8 C
Prizren
E premte, 29 Mars, 2024

Kilaj: Çdo gjë që planifikojmë, e realizojmë

SONY DSCPartia Demokratike e Kosovës dhe Insi Kilaj, kanë vazhduar mbrëmë, prezantimin e programit qeverisës për katër vitet e ardhshme, para banorëve të fshatrave Tërpezë, Fshati i Ri dhe Berishë.

Kandidati për kryetar të Malishevës, Insi Kilaj, premtoi për fshatin Tërpezë, se brenda pak ditëve do të rregullohet kanalizimi i fshatit, pasi procedurat e tenderimit kanë përfunduar. Ndërsa për banorët e Fshatit të Ri dhe Berishës, ju premtoi vazhdimin e ndërtimit të rrugës, dhe nërtimin e një objekti të ri të shkollës.

“Të gjitha këto janë të planifikuara mirë, me shuma dhe me buxhet. Kjo do të thotë se çdo gjë që planifikojmë, re e realizojmë dhe këtë e kemi dëshmuar, me punë, andaj edhe kemi të drejt të kërkojmë edhe më tek mbështetjen tuaj, për vazhdimin e qeverisjes së mirë për Malishevën”, tha Kilaj.

“Pjesa e juaj, tashmë është e shpallur zonë e mbrojtur nga ana e Qeverisë së Republikës së Kosovës dhe kjo përputhet edhe me programin tonë për mbrojtje të ambientit dhe zhvillim të turizmit. Kjo pjesë ka vlera të mëdha historike, sikur edhe ka bukuri natyrore të rralla, për çka, në vitet në vazhdim, do të jetë jo vetëm pikë e veçantë në hartën turistike të vendit, por njëri nga vendet më të vizituara dhe të gjitha këto gjenerojnë edhe vende pune”, tha ai.

“Po ashtu edhe bujqësia si njëra prej shtyllave më të rëndësishme të zhvillimit ekonomik, do të përkrahet me rreth 2 milion euro në katër vitet e ardhshme dhe ju keni mundësit më të mira të zhvillimit të bujqësisë, më saktësisht blegtorisë, por edhe në grumbullimin e frutave të malit, si një fushë shumë e kërkuar dhe shumë fitim prurës, e për këto ne do t’iu mbështesim gjatë mandatit të ardhshëm”, tha Kilaj./PrizrenPress.com/

Më Shumë

Trepça bindëse ndaj Bashkimit

Klubi basketbollistik Trepça ka shijuar fitoren e 20-të radhazi, duke mposhtur këtë herë Bashkimin me rezultat 92:78 (37:23, 9:25, 23:13, 23:17). Mitrovicasit janë duke vazhduar...

Mirlind Daku flet për herë të parë: E kam pritur ftesën nga Kombëtarja, por është vendim i Sylvinhos

Kombëtarja e Shqipërisë e ka nisur me humbje vitin 2024, pasi u mund në miqësoren e parë për këtë muaj nga Kili me rezultat...

Dhimbja

Lajmet e Fundit