Kandidati i Partisë Konservatore për kryetar të Prizrenit, Beni Kizolli ka adresuar shumë çështje të sistemit të arsimit në Prizren. Ai po ashtu ka prezantuar alternativën e Qeverisë së tij, për të përmisuar gjendjen aktuale në këtë sektor.
Kizolli ka përmendur fillimi i vonshëm i procesit mësimor në Prizren, që ka ndodhur për shkak të shpalljes së vonshme të konkursit dhe vonesës së pranimit të mësimdhënësve, si dhe mosinformimin me kohë i nxënësve për përfundimin e procesit mësimor për klasat e 13’ta në drejtimet profesionale dhe në drejtimet e përgjithshme
“Konkursi i parë për pranimin e mësimdhënësve duhet të shpallet në fund të muajit qershor, ndërsa intervista dhe pranimi i tyre të behët deri më 15 korrik, dhe me këtë do të kishim siguruar fillimin e vitit shkollor në afatin e rregullt”, ka thënë Kizolli.
Ai ka përmendur edhe dhënien e mundësisë për mësimdhënësit e rinj që të përgatiten për vitin shkollor. “ Po ashtu duhet të shikohet edhe dhënia e mundësisë për mësimdhënësit që nuk i plotësojnë kushtet për vazhdimin e punës, që ata njëkohësisht të shfrytëzojnë edhe të ardhurat të parapara sipas kontratës së punës deri më 31 gusht dhe të kenë kohë për të siguruar vendin e ri të punës”, ka theksuar Kizolli në takimin që ka pasur me Kabinetin e Sektorit të Arsimit.
“Kërkesa jonë tjetër ka qenë që regjistrimi i nxënësve të behët nga ana e prindërit, njëkohësisht prindi të informohet me obligimet e tij dhe të fëmijës së tij ndaj shkollës dhe kolektivit arsimor edhe të plotësojnë një deklaratë për pranimin e kushteve dhe në të ti shënojnë shënimet elementare, me këtë do të kishim siguruar vetëdijesimin e prindërve me përgjegjësitë e tyre,
Ai tregoi se propozimi tjetër publik i tij, është aktivizimi i web faqes e cila përmban gjendjen, suksesin dhe sjelljen e nxënësve në të gjitha shkollat e në veçanti në shkollat e mesme.
“Në kuadër të arsimit në komunën tonë, Kabineti jonë do të angazhohet në përmbushjen e këtyre objektivave: arsimimi i shoqëruar me edukim të mirëfilltë fizik dhe etikë,përmirësimi i kualitetit të arsimit të ultë, të mesëm, të lartë, nëpërmjet krijimit të kushteve më të mira teknike dhe hapësinore për zhvillimin e suksesshëm të procesit mësimor; rikthimi i dinjitetit të nxënësit dhe mësimdhënësit, punësimet transparente depolitizimi i arsimit, avancimi i metodave për mësimdhënie, drejtimi i shkollave me udhëheqje profesionale “, ka thënë Kizolli./PrizrenPress.com/