Nga 90 për qind të votave të numëruara deri më tani në Komunën e Prizrenit, i nominuari për kryeministër nga koalicioni LAA-n, Avdullah Hoti ka arritur të marrë afër 5 mijë vota. Kështu kanë bërë të ditur për “Gazeta Blic” burime brenda shtabit zgjedhor të LDK-së në këtë komunë.Sipas tyre, pas Hotit për nga numri i votave është kryetari i kësaj partie dega në Prizren Haxhi Avdyli, i cili në zgjedhjet e 11 qershorit garoi për deputet të Parlamentit të Kosovës.
“Gazeta Blic” merr vesh se Avdyli ka marrë jo më pak se 3 mijë e 660 vota vetëm nga qytetarët e Prizrenit.Ndërsa pas tij për nga numri i votave, siç ka arritur të kuptoi “Gazeta Blic” është renditur kandidati për deputete nga LDK-ja, Anton Quni me 3 mijë e 467, pastaj kandidatja tjetër për deputet nga po e njëjta parti Vjosa Osmani me 3 mijë e 341 vota si dhe Sadije Osaj po ashtu kandidate për deputete nga LDK-ja më 1 mijë e 254 vota.
Bazuar në të dhënat e Komisionit Qendror të Zgjedhjeve, në këtë komunë prin koalicioni PAN me 17 mijë e 636 vota apo thënë me për qindje 31,04%, pastaj Vetëvendosje me 14 mijë e 679 vota dhe koalicioni LAA-n ka arritur të marrë 9 mijë e 844 apo 17,33 për qind.Edhe në Prizren ashtu sikur në shumë komuna të tjera numëri i fletëvotimeve të pavlefshme është relativisht i madh. Sipas KQZ-s në këtë komunë janë 5 mijë e 45./Gazeta Blic/