Iniciativa Qytetare Për Malishevë (IQPM) dhe LDK-ja, kanë paralajmëruar se do të përpiqen të krijojnë koalicion vetëm pas zgjedhjeve të balotazhit.
Kandidati i IQPM-së për kryetar të Malishevës, Ragip Begaj, thotë se nëse fiton garën e 1 dhejtorit, do të ulet pastaj dhe të bisedojë me ata që janë të intersuar për koalicion paszgjedhjor në mënyrë që pushteti të funksionojë normalisht.
“Na duhet të bashkëpunojmë me dikë nga subjketet e tjera në legjislativin komunal në interes të qytetarëve të Malishevës dhe do të përpiqemi të gjejmë zgjidhjen më të mirë të mudëshme”, thotë Begaj.
Ai thotë se nëse nuk e siguron mbështetjen as të PDK-së dhe LDK-së, ai si kryetar do të nxjerrë vendime në interes të qytetarëve të Malishevës.
Edhe Sali Morina kandidat i LDK-së për kryetar të Malishevës, thotë se në rastëse fiton me 1 dhejtor do të kërkojë mbështetjen e subjekteve të tjera politike për të siguruar mazhorancën në legjislativ.
“Duhet të ulemi me subjektet e tjera për të shikuar solucionin”, thotë Morina./Koha Ditore/