Në Komunën e Rahovecit ka filluar vendosja e shtyllave për emërtimin e rrugëve, shesheve vendbanimeve dhe parqeve.
Gjatë muajit të kaluar ka filluar projekti për vendosjen e tabelave për emërtimin e rrugëve, shesheve, vendbanimeve dhe parqeve, sipas listës së miratuar nga Kuvendi Komunal i Rahovecit.
Sipas njoftimit për media, projekti për vendosjen e tabelave për emërtimin e rrugëve është një projekt që financohet nga Bashkimi Evropian në bashkëpunim me Komunën e Rahovecit, ky projekt, ka për qëllim rregullimin e adresave dhe lehtësimin e regjistrit civil, shërbimet publike, transport dhe të navigacionit.
Zyrtarët e Komunës së Rahovecit, të cilët janë të ngarkuar që të përcjellin realizimin e këtij projekti dhe zyrtarët e kompanisë të cilët janë duke bërë vendosjen e shtyllave, kërkojnë bashkëpunim nga qytetarët për realizimin e këtij projekti, projekt ky i cili është në të mirë të gjithë qytetarëve të Komunës së Rahovecit dhe bartës i projektit është Drejtoria e Urbanizmit, Planifikim dhe Mbrojtje të Mjedisit. /PrizrenPress.com/