Nuk do të vihet për votim çështja e ndarjes së komisioneve të Kuvendit, pa u kryer procedurat e zëvendësimit të deputetëve që lanë mandatin për t’u bërë pjesë e kabinetit qeveritar.
Por, kurdo që të thirret seanca, grupet parlamentare do të shkojnë të përçara sa i takon ndarjes së komisioneve.
Kryesia e Kuvendit ka dështuar të martën që të dalë me një qëndrim sa i takon ndarjes së komisioneve. Por, është vendosur që në seancën e ardhshme të shkohet me dy propozime, ku pastaj do të vendosin deputetët rreth tyre.
Opozita ka vazhduar të kërkojë ndryshimin e formës së përzgjedhjes së komisioneve parlamentare, ndërkaq deputetët e subjekteve që janë në pushtet kanë vazhduar ta përkrahin formën e cila është përdorur deri tash…/Koha Ditore/