Policia e Kosovës – Stacioni Suharekë në bashkëpunim me Inspeksionin e Komunës së Suharekës sot kanë zhvilluar një aksion kontrollues tek kafiteritë pranë Gjimnazit “Jeta e Re”.
Aksioni ka qenë si rezultat i Këshillit Komunal për Siguri në Bashkësi që ka rekomanduar që të ketë kontrollim më të shpeshtë tek këto kafiteri, transmeton TherandaPost.
Deri më tani, sipas burimeve brenda Policisë së Kosovës nuk është gjetur asgjë në kundërshtim me ligjin.
Merret vesh se janë kontrolluar edhe disa lokale në afërsi të Shkollës së Mesme Teknike “Skender Luarasi”.