12.4 C
Prizren
E diel, 16 Mars, 2025

Kosova e Kroacia bëhen gati për marrëveshje kulturore

Ministri i Kulturës, Rinisë dhe Sportit, Kujtim Gashi, priti sot ambasadoren e Kroacisë në Kosovë, Maria Kapitanovic. Të dy biseduan rreth Marrëveshjes kulturore mes Kosovës e Kroacisë si dhe shkëmbimit të përvojave kulturore dhe bashkëpunimit të mëtutjeshëm mes dy vendeve.

Ministri Gashi falënderoi ambasadoren kroate, Maria Kapitanovic, për mbështetjen e vazhdueshme dhënë shtetit të Kosovës nga shteti dhe populli korat nëpër të gjitha fazat, nëpër të cilat ka kaluar vendi ynë, e veçanërisht përkrahjen në fushat që mbulon MKRS-ja.

Ai e njoftoi ambasadoren se MKRS-ja është e gatshme të përkrahë projektet konkrete për promovimin dhe avancimin e shkëmbimit të përvojave të përbashkëta të dy vendeve duke potencuar edhe mbështetjen e komunitetit kroat që jeton në Republikën e Kosovës.

Nga ana tjetër, ambasadorja kroate, Maria Kapitanoviq, vlerësoi gatishmërinë e ofruar për të bashkëpunuar me qëllim të promovimit të vlerave kulturore të dy vendeve.

Ajo shprehu kënaqësinë për arritjet dhe sukseset e sportit kosovar, sidomos në procesin e ndërkombëtarizimit, duke theksuar se Kroacia vazhdimisht e ka mbështetur Kosovën në rrugëtimin e saj në të gjitha proceset e shtetndërtimit, veçanërisht në kuadër të kontributit për procesin e ndërkombëtarizimit të sportit kosovar.

Më Shumë

Kampusi i Universitetit të Prizrenit pasurohet me tabela informuese për drunjtë dhe streha për insekte

Në kampusin e Universitetit “Ukshin Hoti” në Prizren, organizata joqeveritare “EC Ma Ndryshe” ka vendosur tabela emërtuese për 21 lloje drunjsh si dhe dy...

Prizren, mbahet gjallë tradita e hedhjes së “topit të iftarit”

Në qytetin e Prizrenit po vazhdon të mbahet gjallë tradita e hedhjes së “topit të iftarit” që paralajmëron hyrjen e kohës kur agjëruesit mund...

Lajmet e Fundit