Kush fatin t’ënd e ndau nga e vërteta
Të mbërtheu rreth e rrotull me grila të hekurta
Në kurriz dhimbjen jashtënjerëzore e ke provuar
Para historisë përballë provimit të pamerituar
Ndonëse je shumë largë nga dielli i lartë
Para lirisë je vend i shenjtë e barabartë
Pasojat e liga s’ka kush që të t’i ndreq
Nga ata që fatin t’ënd e ndanë shumë keq
Derisa të mbushen mend e ta shohin njëri-tjetrin në sy
Të shkëputen nga rrjedhat e liga e të të ngrenë lartë ty
Ti vazhdon rrugëtimin me këngën e jetës në shpirt
E shtrëngon dhimbjen me dhëmbë e mbyt!