Përfaqësuesit e KF “Lira“ në Prizren, kanë reaguar rreth neglizhencës së punimeve në stadiumin “Përparim Thaçi“.
Nënkryetari Qemajl Krasniqi tha se natëarët e Komisionit të zgjedhur nga Kuvendi Komunal për udhëheqjen e ‘Lirisë‘ disa herë kanë reaguar për neglizhencën e punimeve të këtij stadiumi.
“Kemi reaguar disa herë për neglizhencën dhe për cilësin e punimeve, mirëpo reagimet tona asnjherë nuk janë marrë për bazë, dhe si pasojë rrjedhimisht punimet kanë vajtur sipas dëshirës se njerëzve të caktuar“.
Prokuroria në Prizren ka autorizuar hetuesit e njësisë së krimeve ekonomike të Policisë që të nisin grumbullimin e provave rreth dyshimeve për realizimin e projektit të riparimit të stadiumit të qytetit “Përparim Thaçi”.
Kryeprokurori i Prizrenit, Sylë Hoxha, tha se tashmë hetimet rreth këtij rasti kanë filluar. Ai nuk ka dhënë shumë hollësi rreth hetimit të rastit në fjalë,duke u shprehur se “së shpejti në bazë të volumit të hetimeve do të informojë më gjerësisht rreth kësaj çështje”.
Burimet e TV Prizrenit, bëjnë të ditur se dyshohet se në këtë rast bëhet fjalë për shpërdorim të detyrës zyrtare dhe shkeljes së Ligjit të Prokurimit, pasi që punimet në stadiumin e qytetit “Përparim Thaçi” janë pranuar nga organet kompetente edhe pse ato nuk janë kryer sipas projektit.
Dyshimet kanë të bëjnë me dy projekte konkrete, ku njëra është financuar nga Ministria e Kulturës, Rinisë dhe Sporteve dhe tjetra nga Komuna e Prizrenit.
Sipas zyrtarëve të Drejtorisë Komunale për Rini,Kulturë dhe sport,ministria e kulturës ka investuar rreth 100 mije euro,ndërsa komuna e Prizrenit 194 mije euro.
Ministria ka financuar projektin e rregullimit të rrethojave,ndërsa komuna ka mbështetur projektin për vendosjen e barit artificial dhe të zhveshtorës. Hetuesit tashmë janë autorizuar nga Prokuroria që të grumbullojnë provat në këtë drejtim.
“Në këtë fillimviti ende pa u bërë konstituimi i organeve të Ekzekutivit Komunal në Prizren, kanë filluar hetimet e radhës“, tha Krasniqi.
“Organet e hetuesisë janë duke grumbulluar prova lidhur me ndërtimin e stadiumit të futbollit të KF “Liria“ në Prizren. Ky stadium ka filluar së ndërtuari gati një vit më parë, mirpo punimet nuk janë realizuar sipas paramasës së projektit të paraparë.Aty dyshohet se bari artificial i vendosur në fushë nuk është i cilësisë së duhur ashtu siç ishte cekur në paramasën e këtij projekti“./PrizrenPress.com/
.