4.8 C
Prizren
E hënë, 28 Nëntor, 2022

Kryetari i Prizrenit pret në takim aktoren e madhe, Tinka Kurti

Kryetari i Komunës së Prizrenit, Shaqir Totaj, priti sot aktoren e madhe shqiptare, Tinka Kurti, të vlerësuar me medaljen “Artistja e Popullit të Shqipërisë”, për t’i ndarë mirënjohje për veprën e saj jetësore me rastin e vizitës së saj në Prizren për promovimin e librit biografik “Tinka Kurti – Ditari i një bashkëshorti”.

Me këtë rast, Totaj tha se ndikimi i Tinkës në kinematografinë dhe teatrin kombëtar është tejet i madh si dhe është model për brezat e rinj të aktorëve në trevat shqiptare.

Kryetari Shaqir Totaj numëroi edhe rolet më të fuqishme dramatike të saj që kanë qenë rolet e nënave, por, po kaq ka qenë e suksesshme në zhanrin e komedisë.

“Tinka njihet si protagoniste e filmave “Gjaku i Arbrit”, “Histori Irkutase”, “Fisheku në pajë” apo “Fejesa e Çehovit”. Vlen të theksohet se Tinka Kurti ka interpretuar në filmin e parë shqiptar të metrazhit të gjatë, “Tana”, në vitin 1958” – tha Totaj.

Tinka Kurti ka marrë çmime të shumta, si në festivalet kombëtare të filmit, ashtu edhe në ato të teatrit. Këtyre çmimeve u shtohen edhe vlerësime të tjera të rëndësishme, si medalja “Mjeshtër i Madh i Punës”, e dhënë nga Presidenti i Republikës së Shqipërisë./ PrizrenPress.com

Më Shumë

Të dielën borë në Kosovë

Instituti Hidrometeorologjik i Kosovës njoftoi se të dielën do të mbajë mot kryesisht i vranët. Sipas IHMK-së, të dielën parashihet të bie borë në viset...

Gruaja nga Prizreni raporton se kunati e kërcënoi se do t’ia lëndonte fëmijët

Një grua nga Prizreni ka raportuar në Polici se kunati i saj i shkakton vazhdimisht dhunë psikike dhe se të premten e ka kanosur...

Lajmet e Fundit