Kryetari i Komunës së Suharekës, Bali Muharremaj, ka njoftuar se kjo komunë po përballet ndërprerje të rrymës në me orar të tejzgjatur.
Sipas Muharremajt, kjo situatë, e cila po zgjatë tash e sa kohë, po bëhet e padurueshme.
I pari i Suharekës ka thënë se jo vetëm amvisëria por edhe bizneset e kanë të pamundur të funksionojnë.
“Nëse kjo situatë nuk përmirsohet nga ana e KEDS-it, bashkë me qytetarët dhe bizneset do ti bllokojmë rrugët, duke protestuar në forma paqësore deri në përmirësimin e kësaj gjendje”, ka thënë kryetari Muharremaj.