Kryetari i Organizatës së Veteranëve të UÇK-së në Prizren, Selim Krasniqi, i ka quajtur matrapaza shokët e tij, të cilët kanë bërë homazhe para varrit të dëshmorit, Xhevat Berisha.
Ai premton se shumë shpejt do t’i publikojë emrat e “matrapazëve”.
“Këta matrapazë ia kanë luajtur lojën dhe i kanë ra shuplakë Xhevat Berishës”, tha ai.
Krasniqi, përkundër insistimit të gazetarëve, nuk ka pranuar t’i tregojë emrat e tyre.
“Shumë shpejt do t’i publikojë emrat e tyre sepse ka ardhur fundi i lojërave të fëlliqura”, u shpreh ai,transmeton PrizrenPress.
Krasniqi këtë deklaratë e ka dhënë gjatë vizitës së varrezave të dëshmorëve në Landovicë, para kryetarit të Prizrenit, Ramadan Muja./TV Prizreni/