Sot Kuvendi Komunal i Rahovecit ka mbajtur seancën e radhës.
Në këtë seancë, asamblistja e LDK-së, Edona Kryeziu, ka ngritur si shqetësim konkurset e fundit të shpallura nga Drejtoria e Arsimit.
Sipas saj, në këto konkurse pranohet ata që janë në një vijë politike me pushtetin komunal.
Kryeziu ka thënë se edhe paneli intervistues është i së njëjtës parti, pra asaj në pushtet – AAK-së.
“Direktivat i marrin nga ju kryetar”, ka thënë asamblistja Kryeziu.
“Kur i shikojmë ata emra na dalin se janë të njëjtës parti në pushtet. Kërkojmë nga drejtori i Arsimit dhe nga ju kryetar që kjo strategji mos të përsëritet në konkurset e radhës”, është shprehur Kryeziu, e cila ka parashtruar edhe disa pyetje për drejtorin e Arsimit.