Ministri i Drejtësisë, Hajredin Kuçi ka folur në Interaktiv të KTV-së tepër detajet e marrëveshjes ndërmjet Kosovës dhe Serbisë për drejtësinë.
Ai ka thënë se është ruajtur sistemi unik i gjyqësorit të Kosovës, dhe nuk ka diskriminim edhe pse përcaktohen numrat e serbëve që duhet të jenë pjesë e Gjykatës Themelore në Mitrovicë.
Sipas tij, me këtë marrëveshje më në fund edhe ajo pjesë do të bëhet pjesë e sistemit gjyqësor të Kosovës.
I pyetur për qëndrimin e Sprskas përballë institucioneve të Kosovës, Kuçi ka thënë se ata që dalin kundër shtetit të Kosovës, si Jabllanoviqi do “të ecin te shpia”.
Komentin e ka bërë kur është pyetur për deklaratat e zv/kryeministrit Stojanoviq i cili e mohon shtetin e Kosovës dhe e ka përuruar statujën e Milutinit në Graçanicë.
“Nëse shumica nuk është e kënaqur nuk mund të jetë as pakica”, ka thënë Kuçi