Zëvendëskryeministri dhe Ministri i Drejtësisë, Hajredin Kuçi, ka vlerësuar punën misionit të EULX-it në Kosovë, por shprehi nevojën që çështja e këtij misioni të definohet sa më parë.
Kuçi, ka pritur në takim Ambasadorin e Gjermanisë në Kosovës, Peter Blomeyer, me të cilin ka biseduar për bashkëpunimin e institucioneve të Kosovës me shtetin gjerman dhe për misionin e EULEX-it në Kosovë.
Ministri Kuçi vlerësoi bashkëpunimin që institucionet e Kosovës, në veçanti Ministria e Drejtësisë kanë pasur dhe vazhdojnë ta kenë me Ambasadën gjermane dhe institucionet e tjera të këtij vendi që veprojnë në Kosovë, sidomos në fushën e drejtësisë.
Të dy bashkëbiseduesit shprehen gatishmërinë në thellimin e bashkëpunimit në mes të Republikës së Kosovës dhe asaj të Gjermanisë.