Komuna e Prizrenit ka shpërndarë 130 pako ushqimore për familjet në nevojë me rastin e festës së Kurban Bajramit, raporton PrizrenPress.
“Drejtoria për Punë dhe Mirëqenie Sociale në kuadër të bashkëpunimit me organizatën Kujdesi për Jetimët e Kosovës, ka bërë shpërndarjen e mishit të kurbanit të dhuruar nga kjo organizatë për nder të Festës së Kurban Bajramit. Me këtë rast është bërë shpërndarja e 130 pakove, kryesisht familjarëve nga skema sociale, anëtarëve të Shoqatës së të Verbërve, familjeve të jetimëve dhe komunitetit RAE”, thuhet në njoftim të kësaj komune./PrizrenPress.com/
