3.8 C
Prizren
E martë, 27 Shkurt, 2024

Kurti: Pasaportës po i shtohet vlera, e shtetit dinjiteti

Kryeministri Albin Kurti ka uruar qytetarët pasi që Spanja ka njohur pasaportat e Kosovës.

Kryeministri Kurti ka thënë se 2024 është vit i fuqizimit të pasaportës së Republikës dhe se asaj sa vjen e po i shtohet vlera, e shtetit tonë dinjiteti

“Viti 2024 është vit i fuqizimit të pasaportës së Republikës sonë. Asaj sa vjen e po i shtohet vlera, e shtetit tonë dinjiteti. Nga janari, Spanja u është bashkuar shteteve të Bashkimit Evropian që e njohin pasaportën e Kosovës. Gëzuar!”, ka shkruar Kurti në Instagram.

Gjatë ditës, zëvendëskryeministri i Kosovës, Besnik Bislimi, ka njoftuar se edhe Spanja i është shtuar listës së vendeve që njeh pasaportat e Kosovës. Sipas tij, tani mund të udhëtohet pa viza edhe drejt këtij shteti.

Zëvendëskryeministri Bislimi ka thënë se Drejtoria e Përgjithshme për Migrim dhe Punët e Brendshme të Bashkimit Evropian (DF Home) ka njoftuar se Spanja i njeh pasaportat e Kosovës.

“Lajmet e mira vazhdojnë. Për qytetarët tanë dhe shtetin. DG Home ka njoftuar se tashmë edhe Spanja i njeh pasaportat e Republikës së Kosovës. Pra mund të udhëtojmë pa viza dhe drejt këtij shteti. Ndërsa me 1 janar nisi lëvizja pa viza, Spanja është destinacion që i shtohet vendeve të zonës Shengen ku mund të udhëtojmë përmes liberalizimit, e ku pengesë më herët ishte mosnjohja e pasaportës sonë. Vazhdojmë tutje, për të sjellë lajme të tjera të mira, e që ndikojnë pozitivisht për qytetarët tanë”, ka shkruar Bislimi në Facebook.

Më Shumë

Kapet hajni që vodhi në shtëpinë e zyrtarit të AKI-së në Prizren

Pas një bashkëpunimi të ngushtë të institucioneve të sigurisë, është kapur hajni që kishte vjedhur në shtëpinë e zyrtarit të AKI-së, bëjnë të ditur...

“Do të shkoj në shtëpi ta marr Kallashnikovin dhe do t’ju vras të gjithëve”, si u kërcënuan pjesëtarët e KFOR-it

Pjesëtarët e KFOR-it italian janë kërcënuar me vrasje nga dy persona në fshatin Lubiçevë të Prizrenit. Dy të dyshuarit lidhur me rastin tashmë janë prangosur...

Lajmet e Fundit