Ish-lideri i Lëvizjes “Vetëvendosje”, Albin Kurti, duke kujtuar vitet e kaluara në burgjet serbe thotë se kishte lexuar shumë dhe kishte luajtur shah. Pyetur se a do të luante shah me Kryeministrin serb Aleksandar Vuçiq, ai thotë jo.
“As në kohë të lirë”.
Ashtu siç kishte probleme me qeverinë në Beograd kur Kosova ishte pjesë e Serbisë, sot ai e kundërshton qeverinë në Prishtinë sepse thotë që ajo nuk punon në interesat e shqiptarëve të Republikës së Kosovës.
Muajve të fundit, vendimet e opozitës kanë penguar punimet e Kuvendit të Kosovës duke hedhur gaz lotsjellës brenda tij dhe duke thirrur protesta në rrugë – protestat më të mëdha nga përfundimi i luftës në Kosovë.
Ai e sheh Kosovën si një komunitet më rrënjë në tri principe themelore: universalitetin, solidaritetin dhe bashkëpunimin, për të cilat thotë se janë plotësisht të kundërta me bazën e shoqërisë së tanishme dhe parimit të saj të tolerancës.
Flet për protesta të reja.
“Protesta jonë e ardhshme do të mbahet pas diku dy javësh por nuk kemi marrë vendimet përfundimtare për detajet. Ajo sigurisht do të zhvillohet në qendër të Prishtinës”.
“Nuk kemi vendosur. Nuk e di se a do zgjasë ëprotesta] vetëm një ditë. E dimë se ku do të mbahet por jo sa do të zgjasë”.
“Qeveria jonë do që ta ringjallë Asociacionin e Komunave me Shumicë Serbe, gjë të cilën e kundërshtojmë. Qëllimet e tyre janë ta krijojnë një bashkësi administrative territoriale autonome, të ngjashme me Republika Srpskën në Bosnje, e cila do të rezultojë në një lloj “bosnjizimi” të Kosovës”.
“Atë që Serbia nuk e arriti shpejt gjatë luftës dëshiron ta arrijë ngadalë në paqe. ëKryeministri i Serbisë Aleksandar] Vuçiqi dhe ëMinistri i Jashtëm Ivica] Daçiqi janë trashëgimtar të Millosheviqit dhe ëLiderit të Partisë Radikale Serbe Vojislav] Sheshelit dhe nuk shoh dallime në qëllimet e tyre përveç metodës dhe strategjisë që kanë ndryshuar për arsye të rrethanave të ndryshuara…”.
“Po ndodh një imitim i dyfishtë. Në njërën anë, Vuçiqi e imiton Millosheviqin, taktikat dhe qëllimet e tij, kurse në anën tjetër Vladimir Putinin… Ky imitim i dyfishtë nuk do të çojë drejt paqes dhe stabilitetit afatgjatë në Ballkan”../Kallxo.com
Kjo interviste u prodhua si pjesë e Programit për Rritjen e Dialogut për Politika të Profesionistëve në Kosovë dhe në Serbi të Trustit Ballkanik për Demokraci. Opinionet e shprehura në këtë publikim nuk përfaqësojnë ato të Trustit Ballkanik për Demokraci, German Marshall Fund të SHBA-së, ose Zyrës së Ccështjeve të Jashtme dhe Commonwealthit.